"საზოგადოებრივი მაუწყებელი წლებია გვთავაზობს ინფორმაციის სახით, მარტივად კვალიფიცირდება, როგორც სამთავრობო პროპაგანდა. პროპაგანდას კი, არაფერი აქვს საერთო არც ობიექტურობასთან და მითუმეტეს, ხალხის სათქმელთან", - ამის შესახებ განცხადებას, "პირველ არხთან" შეკრებელი აქციის მონაწილეები, სოციალურ ქსელში ავრცელებენ.
შეგახსენებთ, რომ საპროტესტო აქცია, რუსთაველის პარალელურად, პირველ არხთან რამდენიმე დღის განმავლობაში უწყვეტად მიმდინარეობს, აქციის მონაწილეები ითხოვენ, თინათინ ბერძენიშვილის, ვასილ მაღლაფერიძისა და გიორგი გვიმრაძის გადადგომას.
"გეპატიჟებით საჯარო შეკრებაზე თეატრ “ჰარაკიში”, კვირას 14:00 საათზე (პ. მელიქიშვილის 20).
შეკრება მიზნად ისახავს საზოგადოებრივი მაუწყებლის გარშემო არსებული საპროტესტო კერის განხილვასა და სამომავლო გეგმებზე მსჯელობას.
საზოგადოებრივი მაუწყებელი, როგორც ხალხის მიერ დაფინანსებული სატელევიზიო არხი, ანგარიშვალდებულია ქვეყნის მოსახლეობასთან. ის უნდა ემსახურებოდეს ხალხის ხმის გაჟღერებას და ობიექტური ინფორმაციით უზრუნველყოფას.
მიუხედავად ამისა, ის, რასაც საზოგადოებრივი მაუწყებელი წლებია გვთავაზობს ინფორმაციის სახით, მარტივად კვალიფიცირდება, როგორც სამთავრობო პროპაგანდა. პროპაგანდას კი, არაფერი აქვს საერთო არც ობიექტურობასთან და მითუმეტეს, ხალხის სათქმელთან.
სწორედ ამიტომ, ვფიქრობთ, რომ ეს პროტესტი უმნიშვნელოვანესი ფრონტია ქვეყნის პოლიტიკურ რეალობაში. ის გამოხატავს ხალხის ლეგიტიმურ სურვილსა და მოთხოვნას - საზოგადოებრივი მაუწყებელი ემსახურებოდეს მას.
მოპოვებული 45 წუთიანი ეთერი პირველი მნიშვნელოვანი აგურია დასახული მიზნის აღსრულებაში, თუმცა ეს ვერ იქნება საკმარისი. ამიტომ გვინდა საერთო ძალებით მოვუყაროთ თავი სამომავლო გეგმებს, გავცვალოთ აზრები და ვიმსჯელოთ, თუ როგორ შეგვიძლია პროცესის გაუმჯობესება. ამ ჭეშმარიტად სახალხო პროტესტს აუცილებლად სჭირდება სახალხო მსჯელობის სივრცეც.
გელით “ჰარაკიში”. საზოგადოებრივი მაუწყებელი ეკუთვნის ხალხს!", - წერია საზოგადოებრივი მაუწყებელი ხალს, "ფეისბუქ" გვერდის განცხადებაში.
ცნობისთვის, პირველი ახრის პირდაპირ ეთერში, პრაიმ თაიმში საგანგებო ეთერის ფორმატში 15 დღეზე მეტია, აქციის მონაწილეების მიერ შეთავაზებულ რესპონდენტებს მასპინძლობს პირველი არხი. საგანეგბო ეთერები, თამთა სანაკიძეს და მაკა ცინცაძეს მიჰყავთ.
