ასეთი გვერდით დგომა, რასაც თქვენგან ვხედავ, მეგობრობის და სიყვარულის მაგალითია, რომელიც სამაგალითო კიდევ ძალიან დიდი ხანი იქნება - შევხვდებით თეატრში! - ამის შესახებ მსახიობი, ანდრო ჭიჭინაძე სასჯელაღსრულების დაწესებულებიდან გამოგზავნილ წერილში აღნიშნავს.
ამასთან, მსახიობი მაყურებელს მადლობას უხდის.
„ასეთი გვერდით დგომა, რასაც თქვენგან ვხედავ, მეგობრობის და სიყვარულის მაგალითია, რომელიც სამაგალითო კიდევ ძალიან დიდი ხანი იქნება. მალე ყველაფერი ძალიან კარგად იქნება. ასევე, დიდი მადლობა მაყურებელს. შევხვდებით თეატრში!“,- აღნიშნავს ჭიჭინაძე წერილში, რომელსაც მისი ადვოკატი, თორნიკე მიგინეიშვილი ავრცელებს.
შეგახსენებთ, რომ მსახიობი, ანდრო ჭიჭინაძე პარლამენტთან მიმდინარე საპროტესტო აქციების დროს, ჯგუფურ ძალადობაში მონაწილეობის ბრალდებით 5 დეკემბერს დააკავეს.
