მიხეილ ჯანელიძე ზურაბ პოლოლიკაშვილზე - „ქართულმა ოცნებამ“ კიდევ ერთი მძიმე დარტყმა მიაყენა ქვეყნის იმიჯს საერთაშორისო ასპარეზზე
წარმატება გზაშია - მთავარია გჯეროდეს - თიბისი ბიზნესდაჯილდოება 2025 იწყება
Ukrainian drones destroy enemy tank, Grad system in Pokrovsk sector
4,700 residential buildings damaged by Russian attacks in Sumy region
Zelensky holds talks with FIFA president
EU may approve new sanctions against Russia on May 20 – Merz
Lists of captured Ukrainian defenders handed to Pope Leo XIV
French Senate backs bill to support integration of Ukrainian IDPs

ევროპის დღესთან დაკავშირებით აქცია-მსვლელობა: „ძალა ევროპაშია, ძალა ერთობაშია“ გაიმართება

09.05.2025 ნახვები: 256

9 მაისს, ევროპის მოედანზე აქცია ლოზუნგით: „ძალა ევროპაშია, ძალა ერთობაშია“ გაიმართება. აქცია 19:00 საათზე არის დაგეგმილი, თუმცა მანამდე დედაქალაქის რამდენიმე ლოკაციიდან ევროპის მოედნამდე მოქალაქეები მსვლელობით მივლენ. აქციას უერთდებიან სხვადასხვა საზოგადოებრივი ჯგუფები, მათ შორის მწერლები, გამომცემლები, კულტურის სფეროს წარმომადგენლები, სტუდენტები და ა.შ.

სოციალურ ქსელში ორგანიზატორების განცხადებაში აღინიშნება, რომ ევროპის დღეს ქართველები ევროპული მომავლისთვის ბრძოლაში შეხვდებიან.

„9 მაისი ევროპის დღეა და ჩვენი ერთიანობის დღე.

75 წლის წინ საფუძველი ჩაეყარა ევროკავშირს, კაცობრიობის ისტორიაში სახელმწიფოების ყველაზე ძლიერ გაერთიანებას, რომელშიც ყველა ქვეყანა, და ყველა მოქალაქე თავისუფალია და დაცულია საგარეო საფრთხეებისგან, სახელმწიფოს ძალადობისგან, უსამართლობისგან და სიღარიბისგან.

საუკუნეებში ქართველობის არ დათმობით, მტრისთვის არ დანებებით, ევროკავშირის კართან ბრძოლით მოვედით.

ევროპის დღე ყველა თავისუფლებისმოყვარე ადამიანისთვის ხალხის ნების ბოროტებაზე გამარჯვების ზეიმია.

ევროპის დღეს ქართველები ევროპული მომავლისთვის ბრძოლაში ვხვდებით. ვხვდებით ჩვენი ბრძოლის გმირებთან - სინდისის პატიმრებთან ერთად, მათი გათავისუფლების მოთხოვნით, მათი ოჯახის წევრების მიერ პატივისცემით და მადლიერებით, ჩვენი გამარჯვების რწმენით, ჩვენი ქართველობის და ევროპელობის ერთობით და ძალით.

9 მაისს, 19:00 საათზე გელოდებით ევროპის მოედანზე.

დავდგეთ ერთად და ვუთხრათ წარსულ და მომავალ თაობებს, ევროპას და მსოფლიოს, რომ ჩვენი ნება ურყევია, რადგან საქართველო ევროპას ეკუთვნის და ევროპის დაპირება - ქართველ ხალხს.

ჩვენი ძალა ევროპაშია! ჩვენი ძალა ერთობაშია!“, - ნათქვამია ინფორმაციაში.

ყველას ნახვა
ყველას ნახვა