საქართველოს ეროვნული ნაკრების მოთამაშემ, საბა ლობჟანიძემ კომენტარი გააკეთა კაბო ვერდესთან ფრედ (1:1) დასრულებული ამხანაგური მატჩის შესახებ, რომელშიც პირველი ტაიმის ბოლოს თავური დარტყმით გაიტანა.
ივნისის ამხანაგური თამაშები საბამ კარგად ჩაატარა და ორივე შეხვედრაში გუნდში ერთ-ერთი საუკეთესო იყო.
„ნაკრებში გოლის გატანა კლუბში თავის გამოჩენისგან ძალიან განსხვავდება. უფრო დიდი ემოციაა, როდესაც ამას შენი ქვეყნის სახელით აკეთებ. რა თქმა უნდა, ძალიან ბედნიერი ვარ. ამით არ ვკმაყოფილდები და მინდა, რომ საქართველოს ნაკრებს კიდევ და კიდევ დავეხმარო“, – ამბობს საბა ლობჟანიძე.
ფარერის და კაბო ვერდეს ნაკრებებთან ამხანაგური მატჩებით საქართველოს ეროვნულმა გუნდმა ივნისის შეკრება დაასრულა. შემდეგი შეხვედრები უკვე ოფიციალური იქნება – ვილი სანიოლის გუნდი 2026 წლის მსოფლიო ჩემპიონატის საკვალიფიკაციო ეტაპზე 4 სექტემბერს თურქეთს უმასპინძლებს, ხოლო 7 სექტემბერს – ბულგარეთს. ორივე მატჩი „დინამო არენაზე“ გაიმართება.
1tv.ge
