ქართული ოცნების თავმჯდომარე, ირაკლი კობახიძე უკრაინის მთავრობას ნაციონალურ მოძრაობასთან კოორდინაციით საქართველოს "სამხედრო კონფლიქტში ჩათრევის" მცდელობაში ადანაშაულებს.
ის აცხადებს, რომ უკრაინა საქართველოს მიმართ ორმაგი სტანდარტით მოქმედებს, რადგან სანქციების არ დაწესება ან სამხედროების არ გაშვება სხვა ქვეყნების შემთხვევაში არ გამხდარა ქვეყნიდან ელჩის გაწვევის მიზეზი.
კობახიძის აზრით, უკრაინის ლიდერების მხრიდან საქართველოსთან ურთიერთობის გაფუჭების მცდელობა ჩვენი ქვეყნის ომში ჩათრევის სურვილით აიხსნება.
„აშკარაა ორმაგი სტანდარტი,. რომელსაც ბუნებრივია ახსნა უნდა ჰქონდეთ. ისიც ალოგიკურია რომ ომში ჩართული ქვეყნის ლიდერებს მთავარ საზრუნავად საქართველოსთან ურთიერთობის გაფუჭება შეიძლება ესახებოდეთ, როგორც გუშინ აღვნიშნეთ აშკარაა კოორდინირებული მცდელობა საქართველო ჩათრეულ იქნას სამხედრო კონფლიქტში რასაც ჩვენ არ დავუშვებთ.
აღნიშნული მცდელობის კოორდინაცია საქართველოდან ხორციელდება ნაციონალური მოძრაობის მიერ, რომელსაც, როგორც ცნობილია მრავლად ჰყავს თავისი წარმომადგენლები უკრაინის ხელისუფლებაში, მათ შორის პრეზიდენტის გარემოცვაშიც"- განაცხადა ირეაკლი კობახიძემ.
