„ნაციონალური მოძრაობა“ იქნება ის, ვინც რეჟიმის ჩამოცილებაში უდიდეს წვლილს შეიტანს, - ამის შესახებ „ნაციონალური მოძრაობის“ ერთ-ერთმა ლიდერმა, ანა წითლიძემ განაცხადა.
როგორც მან აღნიშნა, „ნაციონალურ მოძრაობას“ ვერც ივანიშვილი გაანადგურებს და ვერც ე.წ. საკონსტიტუციო სასამართლო“.
„ჩვენთვის არ აქვს მნიშვნელობა, რას იტყვის ე.წ პრემიერ მინისტრი, რომელსაც ქუჩაში მარტო გასვლის ეშინია. „ნაციონალური მოძრაობას“ 13 წელია ივანიშვილი და “ოცნება” განადგურებით ემუქრება და ეს გასაგებიც არის- “ნაციონალური მოძრაობასთან” ბრძოლით ივანიშვილი ცდილობს, ქვეყანაში ევროინტეგრაცია და თავისუფლების იდეა მოკლას. მიუხედავად მრავალწლიანი მცდელობებისა, “ნაციონალური მოძრაობა” იბრძვის და დგას მყარად. ერთ-ერთი უმთავრესი წინააღმდეგობის მოძრაობა არის, რომელიც 13 წლის განმავლობაში არ დანებდა. “ნაციონალური მოძრაობა” იქნება ის, ვინც რეჟიმის ჩამოცილებაში უდიდეს წვლილს შეიტანს. ამიტომ, რა გადაწყვეტილებაც არ უნდა მიიღოს ე.წ. საკონსტიტუციო სასამართლომ, ჩვენთვის ამას მნიშვნელობა არ აქვს. “ნაციონალური მოძრაობის” თითოეულ ლიდერს გაცნობიერებული აქვს, რა ბრძოლაში ვართ. გადაწყვეტილებების მიუხედავად, ჩვენ ბრძოლის წინა ხაზზე ვიქნებით და რეჟიმის წინააღმდეგ ბოლომდე ვიბრძოლებთ”, - განაცხადა ანა წითლიძემ.
ისი თქმით, „ქართული ოცნების“ მიმართ პასუხი არის წინააღმდეგობის მოძრაობა ქუჩაში, ბევრი ხალხი ქუჩაში და ბრძოლა იმისთვის, რომ რეჟიმი ჩამოიშალოს.
„ქართული ოცნება“ არ შეასრულებს არანაირ ვალდებულებას, მოთხოვნას ევროკავშირთან, რადგან „ოცნებას“ და ივანიშვილს განსაზღვრული აქვთ და არჩევანი აქვთ გაკეთებული რუსების და რუსული გავლენების გაძლიერების სასარგებლოდ, ამიტომაც მოლოდინი იმისი, რომ „ოცნება“ რაღაცას შეცვლის, ამის მოლოდინი არავის არ ჰქონდა, ამიტომაც კობახიძის ეს განცხადება მოულოდნელი არ ყოფილა, ეს ადამიანები არიან მოღალატეები, რომლებსაც დეკლარირებულად აქვთ ხელი მოწერილი საქართველოს ღალატზე, ამიტომაც ბოლომდე ეცდებიან ბოლომდე გავიდნენ, რაც ნიშნავს საქართველოს სრულ ანექსიას და რუსეთთან მიერთებას. ამ დავალებით არიან ეს ადამიანები და ამ დავალების შესრულებას შეეცდებიან ეს ადამიანები ბოლომდე, მაგრამ ასევე საქართველოს მოქალაქეების უმრავლესობა, დარწმუნებული ვარ, რომ ამ მოღალატეობრივ მთავრობას, რომელიც ამ ქვეყანას აკარგვინებს ევროინტეგრაციის შესაძლებლობას, აუცილებლად გასცემს შესაბამის პასუხს. შესაბამისი პასუხი არის წინააღმდეგობის მოძრაობა ქუჩაში, ბევრი ხალხი ქუჩაში და ბრძოლა იმისთვის, რომ რეჟიმი ჩამოვშალოთ“, - განაცხადა ანა წითლიძემ
