"დინამო თბილისი" გაიყიდა. ინფორმაციას ამის შესახებ სპორტული ჟურნალისტი მაგდა კლდიაშვილი ავრცელებს. მისივე ინფორმაციით, გაყიდულია 60%, რომლის ახალი მფლობელიც ჩოგბურთის ფედერაციის პრეზიდენტი ხვიჩა მაქაცარია გახდა.
Exlusive: მოგენატრებოდათ ჩემგან საფეხბურთო ექსკლუზივები - დინამო თბილისი გაიყიდა!
გაიყიდა 60% და იყიდა ხვიჩა მაქაცარიამ, რომელიც ახლა ნომინალურად/ფორმალურად ჩოგბურთის ფედერაციის პრეზიდენტია.
შეთანხმების თანახმად, 15 სექტემბრამდე, კლუბის 3 თუ 4 მილიონიანი დავალიანება დაიფარება, დინამოს ძირითადი გუნდის სამ თვიანი ხელფასები, მათ შორის.
ასევე, ჩემს ხელთ არსებული ინფორმაციით, 60%-იანი წილის მფლობელს ძალიან უნდა ალექსანდრე იაშვილი წამოიყვანოს ფეხბურთის ფედერაციიდან, თუმცაღა, მე არ ვარ დარწმუნებული, რომ იაშკა წამოვა ფედერაციიდან.
ასევე, იმედს ვიტოვებ, რომ ახალი გარიგებით, ბაზის ბანკში იპოთეკით დატვირთულ დინამოს აკადემიასაც გამოიხსნის რომან ფიფია
წადით ახლა დაიძინეთ!
ზოგიერთი დირექტორი დამრჩებით უმუშევარი და მე თქვენზე დარდი არ დამაძინებს
update: კლუბმა არ დამიდასტურა ეს ინფორმაცია.
უფრო მეტიც, მალე ფინანსური მდგომარეობა დალაგდებაო!, - წერს კლდიაშვილი სოციალურ ქსელში.
ტვ პირველი
