საპატრულო პოლიციის დეპარტამენტის მთავარი სამმართველოს უფროსის მოადგილე, გოგა მემანიშვილი აცხადებს, რომ მელიქიშვილის გამზირზე დაპირისპირების შემდეგ პოლიცია 1 წუთში მივიდა.
მისი თქმით, პოლიციამ ვითარება განმუხტა, თუმცა დაპირისპირება პერიოდულად ახლდება.
გოგა მემანიშვილის თქმით, ისინი ვინ გაარჩევდნენ ჩხუბში ვინ ვინ იყო.
"შემთხვევიდან 1 წუთში იყო ადგილზე პოლიცია. ვინ უნდა დავაკავო აბა? თქვენ თუ რაიმე სახის მტკიცებულება გაქვთ შეგიძლიათ შესაბამის სამსახურს წარუდგინოთ და დაიწყება გამოძიება.
მომხდარიდან რამდენიმე წუთში, მაქსიმუმ 2 წუთში ადგილზე იყო პოლიცია და განმუხტა ვითარება. სხვას ვერაფერს ვერ გეტყვი, იქ გამორჩევა ვინ ვინ იყო, ჩვენ ვერ გავარჩევდით, სამოქალაქო ტანსაცმელში იყო...
რომ მოვედით ჩვენ იმის შემდეგ დარეგულირდა ვითარება. ორივე მხარეს არიან ნაცემები, შეუძლიათ მიმართონ საგამოძიებოს.
ამ კონკრეტულ ლოკაციაზე მომხდარ ფაქტთან დაკავშირებით მივიღეთ შესაბამისი რეაგირება, განვმუხტეთ ვითარება.
დაკავებული ამ ეტაპზე არავინ არ არის," - განცხადა გოგა მემანიშვილმა.
შეგახსენებთ, რომ ცოტა ხნის წინ, აქციის მონაწილეებს "ოცნების" ახალგაზრდული ფრთის წარმომადგენლები და ე.წ. ტიტუშკები დაესხნენ თავს. დაპირისპირება სიტყვიერი შეურაცხყოფით დაიწყო და ხელჩართულ ჩხუბში გადაიზარდა.
"ქართული ოცნების" წარმომადგენლები მოქალაქეებს ბოთლებს ესვრიან.
პოლიცია ადგილზე დაპირისპირების დაწყების შემდეგ მივიდა მიუხედავად იმისა, რომ აქცია წინასწარ იყო დაანონსებული.
ტვ პირველი
