ორ მსოფლიო ომში ჩვენ ერთად ვიბრძოდით ტირანიის ძალების დასამარცხებლად. დღეს, როდესაც ტირანია კვლავ ემუქრება ევროპას, ჩვენ და ჩვენი მოკავშირეები ერთად ვდგავართ უკრაინის მხარდასაჭერად, რათა შევაჩეროთ აგრესია და უზრუნველვყოთ მშვიდობა, – ამის შესახებ დიდი ბრიტანეთის მეფე ჩარლზმა სახელმწიფო ბანკეტზე განაცხადა, რომელიც დონალდ ტრამპის ვიზიტთან დაკავშირებით გაიმართა.
„ეს უნიკალური და მნიშვნელოვანი ვიზიტი ასახავს ჩვენს ორ დიდ ერს შორის არსებულ მყარ კავშირს. ოკეანე, შეიძლება, კვლავ გვყოფდეს, მაგრამ მრავალი სხვა თვალსაზრისით ჩვენ ახლა ყველაზე ახლო ნათესავები ვართ. ჩვენს ქვეყნებს ყველაზე მჭიდრო თავდაცვის, უსაფრთხოებისა და დაზვერვის ურთიერთობა აქვთ. ორ მსოფლიო ომში ჩვენ ერთად ვიბრძოდით ტირანიის ძალების დასამარცხებლად. დღეს, როდესაც ტირანია კვლავ ემუქრება ევროპას, ჩვენ და ჩვენი მოკავშირეები ერთად ვდგავართ უკრაინის მხარდასაჭერად, რათა შევაჩეროთ აგრესია და უზრუნველვყოთ მშვიდობა. ჩვენი ქვეყნები ერთად მუშაობენ მნიშვნელოვანი დიპლომატიური ძალისხმევის მხარდასაჭერად, რომელთაგანაც არანაკლებ მნიშვნელოვანია, ბატონო პრეზიდენტო, თქვენი პირადი ერთგულება, იპოვოთ გადაწყვეტილებები მსოფლიოს ყველაზე რთული კონფლიქტების გადაჭრისა და მშვიდობის უზრუნველსაყოფად“, – აღნიშნა მეფე ჩარლზმა.
