დანიის პრემიერ-მინისტრი, მეტე ფრედერიქსენი კოპენჰაგენთან უპილოტო აპარატების გამოჩენასთან დაკავშირებით რუსეთის მონაწილეობას არ გამორიცხავს.
დანიის მთავრობის ხელმძღვანელის შეფასებით, ეს არის სერიოზული თავდასხმა დანიის კრიტიკული მნიშვნელობის ინფრასტრუქტურაზე.
„ვერ გამოვრიცხავ, რომ ეს რუსეთია. ჩვენ ვნახეთ უპილოტო აპარატები პოლონეთის ცაში, რომლებიც იქ არ უნდა ყოფილიყვნენ. რუმინეთში აქტივობა ვნახეთ. ესტონეთის საჰაერო სივრცის დარღვევები ვნახეთ. შაბათ-კვირას ევროპის აეროპორტებზე ჰაკერული თავდასხმები ვნახეთ. ახლა დრონები დანიაშიც გამოჩნდა და როგორც ჩანს, დრონები ოსლოსა და ნორვეგიაშიც იყო“, – აღნიშნა მეტე ფრედერიქსენმა.
