წალენჯიხის მერმა გუბა საჯაიამ ნორჩ წალენჯიხელ მოჭადრაკეებს გამარჯვება მიულოცა
06.11.2025 ნახვები: 199
1-4 ნოემბერს, ქ.ქუთაისში საქართველოს ჩემპიონატი ჭადრაკში, 7 წლამდე ჭაბუკთა და გოგონათა შორის ჩატარდა. ნორჩ წალენჯიხელ მოჭადრაკეებს გამარჯვება პირადად მუნიციპალიტეტის მერმა გუბა საჯაიამ მიულოცა.
ჩემპიონატში მონაწილეობა საქართველოს სხვადასხვა რეგიონის 80-მდე მოჭადრაკემ მიიღო, მათ შორის იყვნენ წალენჯიხელი ნორჩი მოჭადრაკეები.
ჩემპიონატი შვეიცარული სისტემით, 7 ტურად გაიმართა.
აღნიშნულ ტურნირში წარმატებით იასპარეზეს ა(ა)იპ წალენჯიხის სასპორტო ცენტრის ჭადრაკის წრის აღსაზრდელმა აკაკი მზარელუამ და ანდრია სარიამ.
მეორე ადგილის პრიზიორი ანდრია სარია გახდა,ხოლო აკაკი მზარელუამ ტურნირში აქტიური მონაწილის სტატუსი მიიღო.
მწვრთნელი გახლდათ ლევან ზარქუა.
გამარჯვებულებს დიპლომები და სიმბოლური საჩუქრები წალენჯიხის მუნიციპალიტეტის მერმა გუბა საჯაიამ გადასცა და შემდგომი წარმატებები უსურვა.
