ვოლოდიმირ ზელენსკი - ევროპის ლიდერების შეხვედრამ რუსეთს უნდა აგრძნობინოს, რომ ომის გაგრძელება უაზრობაა
18.12.2025 ნახვები: 201
ევროპელი ლიდერები ბრიუსელში ხვდებიან. ეს ძალიან მნიშვნელოვანი შეხვედრა იქნება, - ამის შესახებ უკრაინის პრეზიდენტი, ვოლოდიმირ ზელენსკი სოციალურ პლატფორმა X-ზე წერს.
უკრაინის პრეზიდენტი მიიჩნევს, რომ ამ შეხვედრამ რუსეთს უნდა აგრძნობინოს, რომ ომის გაგრძელება უაზრობაა, რადგან უკრაინას მხარდაჭერა ექნება.
„ამ შეხვედრის შედეგმა - ევროპის მიერ მიღებულმა შედეგებმა - რუსეთს უნდა აგრძნობინოს, რომ მისი სურვილი, გააგრძელოს ომი მომავალ წელს, უაზროაბაა, რადგან უკრაინას მხარდაჭერა ექნება. ეს მთლიანად ევროპაზეა დამოკიდებული - ევროპამ ეს არჩევანი უნდა გააკეთოს“, - წერს ზელენსკი.
შეგახსენებთ, დღეს ბრიუსელში ევროპული საბჭოს შეხვედრა გაიმართება.
