სიკეთე აუცილებლად გაიმარჯვებს ბოროტებაზე, სამშობლოს სიყვარული კი ღალატზე, - ამის შესახებ მომღერალ პაატა ბურჭულაძის საახალწლო მილოცვაშია აღნიშნული, რომელიც მის პირად გვერდზე გამოქვეყნდა.
პაატა ბურჭულაძის განცხადებით, ახალი წელს ულოცავს ყველას, ვისაც სჯერა, რომ 2026 წელი საქართველოს ევროპული მომავლისთვის მებრძოლთათვის გამარჯვების მომტანი იქნება.
"ახალი წლის დადგომა მინდა მივულოცო ჩვენს ქვეყანას, ჩვენს საამაყო მებრძოლებს, სინდისის პატიმრებს, პოლიტპატიმრებს, იმ ადამიანებს, ვინც რუსთაველზე ხვდება იმედით ახალი წლის ათვლას და სჯერა, რომ 2026 წელი საქართველოს ევროპული მომავლისთვის მებრძოლთათვის გამარჯვების მომტანი იქნება! სიკეთე აუცილებლად გაიმარჯვებს ბოროტებაზე, სამშობლოს სიყვარული კი - ღალატზე! ძალა ერთობაშია! ბოლომდე!", - ნათქვამია პაატა ბურჭულაძის წერილში.
