აშშ-ის პრეზიდენტი დონალდ ტრამპი აცხადებს, რომ გრენლანდიასთან დაკავშირებული პერსპექტიული შეთანხმება აშშ-ს საშუალებას მისცემს, გააკეთოს ის, „რაც სურს“.
აშშ-ის პრეზიდენტის თქმით, შეთანხმების შესახებ მეტი ინფორმაცია ორ კვირაში გახდება ცნობილი.
„შეთანხმებაში ბევრი შესანიშნავი რამ არის. ის ასევე დადებითი იქნება ევროპისთვის და ნატო აქტიურად იქნება ჩართული. ორ კვირაში რაღაც გვექნება. კარგი განწყობაა რაღაცის გასაკეთებლად“,- განაცხადა ტრამპმა.
აშშ-ის პრეზიდენტის თქმით, შეთანხმება „გაცილებით უფრო კეთილშობილური“ იქნება, ვიდრე არსებული შეთანხმებები, რომლებიც გრენლანდიაში აშშ-ის ყოფნას ითვალისწინებს.
