აშშ-სა და გაერთიანებული სამეფოს ლიდერებმა, დონალდ ტრამპმა და კირ სტარმერმა სატელეფონო საუბარი გამართეს.
გაერთიანებული სამეფოს მთავრობის ინფორმაციით, ლიდერებმა განიხილეს უკრაინაში არსებული ვითარება, მათ შორის ღამით ქვეყნის წინააღმდეგ რუსეთის მიერ განხორციელებული ბარბაროსული თავდასხმები.
„პუტინის სასტიკი თავდასხმები კრიტიკულ ეროვნულ ინფრასტრუქტურაზე, მათ შორის ენერგეტიკულ სისტემებზე, განსაკუთრებით უზნეო იყო, რადგან ტემპერატურა -20 გრადუს ცელსიუსზე დაბალი იყო“, - განაცხადა კირ სტარმერმა.
