დიდი ბრიტანეთის, საფრანგეთისა და გერმანიის ლიდერებმა ერთობლივი განცხადება გამოაქვეყნეს, რომელშიც ირანის სარაკეტო შეტევები „არაპროპორციულ“ ქმედებებად შეაფასეს.
კირ სტრარმერის, ემანუელ მაკრონისა და ფრიდრიხ მერცის განცხადებაში აღნიშნულია, რომ სამივე ქვეყანა მზადაა, ნაბიჯები გადადგან რეგიონში საკუთარი და მოკავშირეთა ინტერესების დასაცავად.
დიდი ბრიტანეთი, საფრანგეთი და გერმანია აცხადებენ, რომ მზად არიან ირანის რაკეტები და უპილოტო საფრენი აპარატები ირანის ტერიტორიაზე გაანადგურონ, ვიდრე მათ გამოიყენებენ, თუ ეს აუცილებელი გახდება. ლიდერების განცხადებით, ამ მიზნით აშშ-სა და რეგიონის სხვა მოკავშირეებთან თანამშრომლობას აგრძელებენ.
