გამოცემა Politico-ს ინფორმაციით, რუსულ ნავთობზე ამერიკული სანქციები კვლავ ამოქმედდა მას შემდეგ, რაც ტრამპის ადმინისტრაციამ შაბათ-კვირას არ გაახანგრძლივა რუსულ ნავთობზე ერთი თვის წინ შემოღებული 30-დღიანი საშეღავათო პერიოდი.
ცნობისთვის, გასულ თვეში აშშ-ს სახაზინო დეპარტამენტმა რუსული ნედლი ნავთობი და სხვა სახის ნავთობპროდუქტები სანქციებისგან 12 მარტიდან 11 აპრილამდე გაათავისუფლა, რაც ირანთან ომის შედეგად ნავთობის მარაგების დეფიციტით იყო გამოწვეული. Politico-ს ცნობით, ოქტომბერში Rosneft-ისა და Lukoil-ის წინააღმდეგ შემოღებულმა სანქციებმა ნავთობიდან რუსეთის შემოსავლები მნიშვნელოვნად შეამცირა.
