დონალდ ტრამპი აცხადებს, რომ მას არ სურს ირანთან ცეცხლის შეწყვეტის შეთანხმების გახანგრძლივდება და იმედი აქვს, რომ მოლაპარაკებები „შესანიშნავი გარიგებით დასრულდება, – ამის შესახებ განცხადება აშშ-ის პრეზიდენტმა „სიენბისისთან“ ინტერვიუში ისაუბრა.
„არ მსურს ცეცხლის შეწყვეტის გახანგრძლივება. საბოლოო ჯამში ვიმედოვნებ, რომ შესანიშნავ გარიგებამდე მივალთ, მათ სხვა არჩევანი არ აქვთ. ჩვენ გავანადგურეთ მათი ფლოტი, საჰაერო ძალები და ლიდერები. ეს უკანასკნელი ერთი მხრივ ართულებს სიტუაციას, თუმცა ახლა ეს ლიდერები გაცილებით რაციონალურები არიან. ეს არის რეჟიმის ცვლილება, არ აქვს მნიშვნელობა რას უწოდებთ, სხვათა შორის მე არ მითქვამს, რომ ამას გავაკეთებდი, მაგრამ გავაკეთე, შეიძლება. ირიბად, მაგრამ გავაკეთე. ჩვენ ძლიერ პოზიციაში ვართ მოლაპარაკებებისთვის“, – თქვა ტრამპმა.
აშშ-ის პრეზიდენტმა ასევე არ გამორიცხა ირანზე დარტყმების განახლება.
„მე ველოდები დაბომბვებს, რადგან მიმაჩნია, რომ ასეთი მიდგომით მოლაპარაკებებში შესვლა უკეთესია. ჩვენ მზად ვართ. შეიარაღებულ ძალებს ბრძოლა სურთ“, – თქვა ტრამპმა.
ტრამპმა ასევე განაცხადა, რომ ამერიკელი სამხედროების მიერ გაჩერებულ ერთ-ერთ ხომალდზე აღმოჩენილია გარკვეული სახის ტვირთი, რომელიც შესაძლოა, ირანში ჩინეთიდან გააგზავნეს.
„ჩვენ გუშინ დავაკავეთ გემი, რომელზეც აღმოჩნდა რაღაცა, რაც არც ისე კარგია. შესაძლოა „საჩუქარი ჩინეთიდან“. არ ვიცი. მე აბსოლუტურად გაკვირვებული ვარ, რადგან კარგი ურთიერთობები მაქვს სი ძინპინთან, თუმცა არა უშავს, ომი ასეთია“, – თქვა ტრამპმა.
