რუსეთის საჰაერო თავდაცვის ძალებმა მოსკოვის რეგიონის მიმართულებით მიმავალი 350-ზე მეტი უპილოტო საფრენი აპარატი გაანადგურეს. ინფორმაციას რუსული მედია მოსკოვის მერზე, სერგეი სობიანინი დაყრდნობით ავრცელებს.
მანამდე მოსკოვის ოლქის გუბერნატორმა, ანდრეი ვორობიოვი განაცხადა, რომ ქალაქ ისტრაში დრონის ჩამოვარდნის შედეგად სამი ადამიანი დაიღუპა, სამი კი დაშავდა. მისივე ინფორმაციით, ხანძარი ხუთ კერძო სახლსაც გაუჩნდა.
ამასთან, ქალაქ სოლნეჩნოგორსკში უპილოტო საფრენი აპარატი მრავალსართულიან საცხოვრებელ კორპუსს შეეჯახა, რის შედეგადაც ორი ადამიანი დაშავდა. დაზიანებულია შენობის კედელი და ფანჯრები.
რუსული მედიის ცნობით, დრონებით თავდასხმის შედეგად დაზიანდა ორი საცხოვრებელი სახლიც სოფელ ბაბკინოში, თუმცა ამ შემთხვევას მსხვერპლი არ მოჰყოლია.
