საპროცესო შეთანხმების თანახმად, ბერიძეს სასჯელი 3 წლითა და 1 თვით თავისუფლების აღკვეთით განესაზღვრა, საიდანაც 1 წელი და 1 თვე რეალურ სასჯელად, ხოლო დარჩენილი 2 წელი პირობითად ჩაეთვალა.
თბილისის საქალაქო სასამართლოს თავდაპირველი განაჩენით, ლაშა ბერიძესა და მურთაზ ზოდელავას 4 ოქტომბრის მოვლენების ორგანიზების საქმეზე 7-7 წლით თავისუფლების აღკვეთა ჰქონდათ მისჯილი.
ბერიძეს ბრალად ედებოდა სტრატეგიული და განსაკუთრებული მნიშვნელობის ობიექტების ჯგუფურად ხელში ჩაგდებისა და ბლოკირების მცდელობა, ასევე ჯგუფური ძალადობის ორგანიზება და ხელმძღვანელობა.
შეგახსენებთ, დღესვე საპროცესო შეთანხმების საფუძველზე პენიტენციური დაწესებულება მურთაზ ზოდელავამაც დატოვა. შეთანხმება კიდევ ორ მსჯავრდებულს – ირაკლი ჩხვირკვიასა და გური ჟვანიას გაუფორმდა. ჩხვირკვიას გათავისუფლება 6 ნოემბერს, ხოლო ჟვანიასი 16 ნოემბერს იგეგმება.
