ვგმობთ რუსეთის არაპროვოცირებულ და გაუმართლებელ შეჭრას უკრაინაში და ვაგრძელებთ უკრაინის მხარდაჭერას, - ამის შესახებ აშშ-ის თავდაცვის მდივანმა, ლოიდ ოსტინმა, ნატო-ს თავდაცვის მინისტერიალის დაწყებამდე, ალიანსის გენერალურ მდივანთან ერთად გამართულ ბრიფინგზე განაცხადა.
ლოიდ ოსტინის თქმით, კოლექტიური თავდაცვის შესახებ ვაშინგტონის ვალდებულება მტკიცეა.
„მადლობას გიხდით მტკიცე ლიდერობისთვის. ჩვენ ვაფასებთ თქვენს ლიდერობას განსაკუთრებით ასეთ დროს. ჩვენ შევძელით მიგვეღო სწრაფი გადაწყვეტილებები. ამერიკის სიგნალი მსოფლიოს მიმართ არის, რომ ერთიანები ვართ უკრაინის მხარდაჭერაში. ვგმობთ რუსეთის არაპროვოცირებულ და გაუმართლებელ შეჭრას უკრაინაში. უკრაინას ჰყავს ლეგიტიმური და სუვერენული მთავრობა. ჩვენ ცხადია, მხარს ვუჭერთ მათ შესაძლებლობას, დაიცვან თავი. ჩვენ ვაგრძელებთ მათ მხარდაჭერას. ჩვენ ცხადად ვამბობთ, რომ ნატო-ს მეხუთე მუხლის მიმართ ვალდებულება მტკიცეა და ჩვენ დავიცავთ ამ ვალდებულებას. მადლობა თქვენი ლიდერობისთვის და მადლობა ყველა მოკავშირეს, რომ ვინარჩუნებთ ერთიანობას უკრაინის მხარდაჭერის საკითხთან დაკავშირებით", - აღნიშნა ლოიდ ოსტინმა.
