საქართველოს პარლამენტის თავმჯდომარე შალვა პაპუაშვილი აცხადებს, რომ საერთო ღირებულებებისა და ინტერესების პატივისცემა საქართველო-აშშ-ის სტრატეგიული პარტნიორობის ქვაკუთხედს წარმოადგენს.
ამის შესახებ პაპუაშვილი საქართველო-აშშ-ის თანამშრომლობის დიპლომატიური ურთიერთობების დამყარების 30 წლისთავთან დაკავშირებით გავრცელებულ პოსტში წერს.
„დღეს ჩვენ აღვნიშნავთ საქართველო-აშშ-ის თანამშრომლობის მნიშვნელოვან ეტაპს - დიპლომატიური ურთიერთობების დამყარების 30 წლისთავს. საერთო ღირებულებებისა და ინტერესების პატივისცემა საქართველო-აშშ-ის სტრატეგიული პარტნიორობის ქვაკუთხედს წარმოადგენს", - აღნიშნავს შალვა პაპუაშვილი.
