საქართველოს მმართავს არა მთავრობა, "არამედ მოღალატეების ჯგრო" - ამის შესახებ საქართველოს მესამე პრეზიდენტმა განაცხადა. მიხეილ სააკაშვილმა სასამართლო დარბაზში სიტყვით გამოსვლისას თქვა, რომ "საქართველოს ე.წ. ხელისუფლებამ სრული ფსონი რუსეთის გამარჯვებაზე დადო".
"ბორინკას ვერ წარმოუდგენია, რომ რუსეთმა შეიძლება დამარცხება იწვნიოს. ჩაგივარდათ კოვზი ნაცარში?! უკრაინა იმარჯვებს დიდი უპირატესობით"- მიმართა მან ხელისუფლების წარმომადგენლებს.
მისივე განცხადებით, ის რასაც ზელენსკის ომის დაწყებამდე უკეთებდნენ, საქართველომ 2007 წელს გამოიარა:
ის, რაც უკრაინაში ხდება ერთი-ერთზეა იმისა, თუ რაც ხდებოდა 2007 წლის ნოემბერში საქართველოში. რუსეთის სრულმასშტაბიანი ომის დაწყებამდე, პრეზიდენტ ზელენსკის ადგილობრივი ოლიგარქები გამოსვლებს უწყობდნენ, აჯანყებას, პოლიციას იწვევდნენ შეტაკებებზე. ეს არის კარგად დოკუმენტირებული ფაქტი. კანონიერ ქურდებს, ზუსტად ისე როგორც საქართველოში იყენებდნენ 7 ნოემბრის წინ აქაც, უკრაინაში იყენებენ. აიღეთ რა ხდება იქ და რა ხდება აქ. ეს სასამართლო საქმე სუფთა რუსული ისტორიაა, სუფთა რუსული ჰიბრიდული ოპერაციის გაგრძელებაა. მე აქ ვარ პუტინის პირადი ტყვე, რომელსაც პუტინი უგრძელებს და უსრულებს იმას, რაც ზელენსკიმ ვერ შეუსრულა"- თქვა სააკაშვილმა.
მისივე განცხადებით, უკრაინა იმარჯვებს, ივანისვილის ხელისუფლებას კი "კოვზი ნაცარში ცაყვარდა"
უკრაინა იმარჯვებს დიდი უპირატესობით. უკრაინა რუსებს თავის ტერიტორიიდან გამოყრის. მათ შორის ჩვენი 2000 მებრძოლის მონაწილეობით, რომლებიც იცავენ, მათ შორის საქართველოს ინტერესებს. საქართველოს მთავრობას მათზეც აქვთ აღძრული საქმეები, მათ შორის ჩემ საქმეებთან დაკავშირებით. იმ ჩვენ გმირებს, ვინც იცავენ უკრაინაში, ამ სასამართლო დარბაზში ელოდებიან, რათა თქვენ გაასამართლოთ. ეს არის კიდევ ერთი სამარცხვინო დადასტურება, რომ საქართველოს მართავს არა მთავრობა, არამედ მოღალატეების ჯგრო! "- განაცხადა სააკაშვილმა.
