უკრაინის პრეზიდენტის ოფისის წარმომადგენელი მიხეილ პოდოლიაკი რუსი ოკუპანტების სიმხეცის ამსახველ კადრებს აქვეყნებს და ევროპელ ლიდერებს მკაცრად აკრიტიკებს.
მთავარი ხომ ჩვენი ევროპელი პარტნიორების აზრით ის არის, რომ რუსებს პროვოცირება არ გაუკეთონ? მთავარია მესამე მსოფლიო ომი არ დაიწყოს? მტავრია რუსებს არ ეწყინოთ და არ გამოიყენონ?...რა არ გამოიყენონ? რეკეტები, ავიაბომბები, ტანკები, ადამიანების მასობრივი მკვლელობები, საცხოვრებელი კვარტლების დაბომბვა, დახვრეტები როგორც საკონცენტრაციო ბანაკებში? რა დარჩათ გამოუყენებელი?
საბოლოოდ, მსოფლიომ მიიღო ტოტალური არაადამიანური ქმედებები ბუჩაში, ირპენში, გოსტომელში. ათასობით მოკლული, გაუპატიურებული, დაბმული, ისევ გაუპატიურებული და მოკლული მშვიდობიანი მოქალაქეები. მხეცურად მოკლულები...
ძალიან მაგარო და ევროპის ყოვლისმცოდნე დღევანდელო ლიდერებო, ასობით მოქმედო პოლიტიკოსებო, კარგად დანაყრებულებო და მშვიდად მძინერეებო საკუთარ ლოგინებში, ხომ არ გაქვთ სურვილი ყურადღებით შეისწვალოთ კიევის ოლქის 21 საუკუნის ფოტოარქივი? გინდოდათ სერებრენიცა 21 საუკუნეში? მიიღეთ? კმაყოფილები ხართ? ტრებინკას რეინკარნირება და ამით რუსეთის წახალისება გინდოდათ? გინდოდათ გაგხსენებინათ ამუშავებული კრემატორიუმების ჯოჯოხეთი, სადაც უკრაინელებს ცოცხლად წვავენ? ისევ ზურგს გვაქცევთ? მორიგ სამიტს ჩანიშნავთ, რომ შეშფოთდეთ და თავი გააქნიოთ?
არ შეიძლება რუსული ენის აკრძალვა ევროპის უნივერსიტეტებში, არაჰუმანურია, არა?
კიდევ ერთხელ ყურადღებით შეხედეთ ნატანჯ, გაუპატიურებულ, დამწვარ უკრიანელებს. 21 საუკუნეში. სპეცოპერაციის ფარგლებში. ახლა კი კიდევ ერთხელ უთხარით მსოფლიოს, რომ რუსეთი ფედერაციაა ნორმალურია, რომ ეს ბიზნესია, რომ არ შეიძლება რახმანინოვის აკრძალვა. შეხედეთ და თქვით. ან შებრუნდით. მთავარი ხომ მაინც ის არის, რომ პროვოცირება არ მოახდინოთ. მათ კი მასიურად ჩეხონ უკრაინელები..., - წერს პოდოლიაკი.
