ვლადიმერ პუტინი რუსეთთან წითელი ხაზების გადაკვეთას არავის ურჩევს. ამის შესახებ მან ფედერალური შეკრებისადმი მიმართვაში განაცხადა.
„ჩვენ ყველასთან კარგი ურთიერთობა გვსურს, მათ შორის მათთანაც, ვისთანაც ბოლო დროს, რბილად რომ ვთქვათ, ურთიერთობა არ გამოგვდის. არ გვსურს ხიდების დაწვა, მაგრამ თუ ვინმე ჩვენს კეთილ განზრახვებს სისუსტედ აღიქვამს და თავად აპირებს ხიდების დაწვას ან აფეთქებას, რუსეთის პასუხი ასიმეტრიული, სწრაფი და მკაცრი იქნება", - აღნიშნა კრემლის ლიდერმა.
