უკრაინის პრეზიდენტის ოფისის ხელმძღვანელი ანდრეი ერმაკი აცხადებს, რომ უკრაინაში ომის მეორე ფაზა დაიწყო, თუმცა, მისი თქმით, უკრაინის შეიარაღებულ ძალებს ყველაფერი საიმედოდ აქვთ. უკრიანული მედიის ცნობით, ამის შესახებ ერმაკმა ტელეგრამ-არხზე დაწერა.
„დონბასი. რუსების შეტევაზე ახლა ბევრი ყალბი ინფორმაცია ვრცელდება. დაიწყო ომის მეორე ფაზა, თუმცა გეტყვით, რომ უკრაინის შეიარაღებულ ძალებს ყველაფერი საიმედოდ აქვთ. გჯეროდეთ ჩვენი არმიის, ის ძალიან ძლიერი გვყავს“, – აღნიშნა უკრაინის პრეზიდენტის ოფისის ხელმძღვანელმა.
აღსანიშნავია, რომ ვოლოდიმირ ზელენსკიმ ვიდეომიმართვისას განაცხადა, რომ რუსეთის ძალებმა დონბასისთვის ბრძოლა დაიწყეს.
