აშშ იკვლევს რუსეთის მიერ მხარდაჭერილი დნესტრისპირეთის სეპარატისტულ რეგიონში ბოლოდროინდელი ძალადობის მიზეზებს.
ამის შესახებ აშშ-ის თავდაცვის მდივანმა ლოიდ ოსტინმა განაცხადა.
ინფორმაციას „როიტერი“ ავრცელებს.
„რაც შეეხება მოლდოვაში ბოლოდროინდელი ძალადობის შესახებ ინფორმაციას, ჩვენ ჯერ კიდევ ვიკვლევთ ამის მიზეზს, ჯერ კიდევ კეთდება ანალიზი. ნამდვილად არ ვიცი, რა არის ეს ყველაფერი, მაგრამ ეს არის ის, რაზეც ჩვენ ფოკუსირებული დავრჩებით“, – განაცხადა ოსტინმა.
