ხელისუფლებაში სააკაშვილი რომ ყოფილიყო, აქ მეორე მარიუპოლს მოაწყობდნენ-ღარიბაშვილი

„სააკაშვილმა ყველაზე დიდი, გამოუსწორებელი შეცდომა დაუშვა, როცა თავიდან არ აარიდა ჩვენს ხალხს და ქვეყანას ომი და შედეგად, ქვეყანა დაინგრა. დღეს ხელისუფლებაში რომ ყოფილიყო სააკაშვილი, აქ იქნებოდა ომი, აქ მოაწყობდნენ მეორე მარიუპოლს. ეს იყო გაზრახვა. რატომ ჩამოვიდა სააკაშვილი საქართველოში? სააკაშვილი ჩამოვიდა ერთი მიზნით, რომ მოეხდინა დესტაბილიზაცია ქვეყანაში, რევოლუცია, მასობრივი მკვლელობები, მათ შორის ოპოზიციონერი ლიდერების და მომხდარიყო გადატრიალება. ეს, რა თქმა უნდა, პირდაპირ ნიშნავდა ოკუპირებულ ქვეყანაში ახალი ომის დაწყებას. თქვენ გესმით საერთოდ, რამხელა ბინძურ პროვოკაციას ავარიდეთ ქვეყანა?“,-თქვა ჟურნალისტებთან საქართველოს პრემიერმინისტრმა ირაკლი ღარიბაშვილმა.