დიდი ბრიტანეთი აღმოსავლეთ ევროპაში 8 000 სამხედროს გზავნის. ბრიტანელი ჯარისკაცები მასშტაბურ წვრთნებში მიიღებენ მონაწილეობას.
სამხედრო სწავლებები რამდენიმე ქვეყანაშია დაგეგმილი, ფინეთიდან ჩრდილოეთ მაკედონიამდე. მათ შეურთდებიან ნატო-ს სხვა წევრი სახელმწიფოების ჯარისკაცებიც.
დიდი ბრიტანეთის თავდაცვის სამინისტროში აცხადებენ, რომ აღნიშნული წვრთნების ჩატარება დიდი ხნის წინ იყო დაგეგმილი.
„ევროპის უსაფრთხოება არასდროს ყოფილა ისეთი მნიშვნელოვანი, როგორც დღეს“, – განაცხადა დიდი ბრიტანეთის თავდაცვის მინისტრმა, ბენ უოლესმა.
