ევროპაში ნატო-ს შეიარაღებული ძალების მეთაურად გენერალი კრისტოფერ კავოლი დაინიშნა. ინფორმაცია ჩრდილოატლანტიკური ალიანსის ვებგვერდზე გამოქვეყნდა.
გენერალი კავოლი, რომელიც ევროპასა და აფრიკაში ამერიკის შეერთებული შტატების სახმელეთო ჯარების ხელმძღვანელია, თანამდებობაზე ცვლის ევროპაში ნატო-ს შეიარაღებული ძალების მეთაურს, გენერალ ტოდ ვოლტერსს.
გენერალ კავოლის ევროპაში ნატო-ს შეიარაღებული ძალების მეთაურად დანიშვნას უკვე ხელი მოაწერა ამერიკის შეერთებული შტატების პრეზიდენტმა ჯო ბაიდენმა.
