,,მე ვისურვებდი, რომ პრეზიდენტმა გამოიყენოს მისთვის მინიჭებული უფლებამოსილეება და ვეტოს მექანიზმი გამოიყენოს'' - განაცხადა დღეს, 30 აპრილს, ,,ლელოს" ერთ-ერთმა ლიდერმა, დეპუტატმა ანა ნაცვლიშვილმა პარალმენტის მიერ ადმინისტრაციული კოდექსის გამკაცრების კომენტირებისას.
ცნობისთვის: გუშინ, პარლამენტმა ადმინისტრაციულ სამართალდარღვევათა კოდექსში ცვლილებების შეტანას მხარი დაუჭირა. ცვლილებების მიხედვით, წვრილმანი ხულიგნობის ჩადენისთვის ადმინისტრაციულ სახდელდადებული პირის მიერ ამავე ადმინისტრაციული სამართალდარღვევის განმეორებით ჩადენა გამოიწვევს სამართალდამრღვევის დაჯარიმებას 1500 ლარიდან 2000 ლარამდე ოდენობით ან ადმინისტრაციულ პატიმრობას 5-დღიდან 15 დღემდე ვადით.
სამსახურეობრივი მოვალეობის შესრულების დროს სამართალდამცავთა მოთხოვნისადი დაუმორჩილებლობა ან/და შეურაცხყოფა გამოიწვევს სამართალდამრღვევის დაჯარიმებას 2000 ლარიდან 3000 ლარამდე ოდენობით ან ადმინისტრაციულ პატიმრობას 15 დღემდე ვადით
ხოლო ამავე ქმედების განმეორებით ჩადენა - სამართალდამრღვევის დაჯარიმებას 3500 ლარიდან 4500 ლარამდე ოდენობით ან ადმინისტრაციულ პატიმრობას 7-დღიდან 15 დღემდე ვადით.
ნაცვლიშვილის თქმით აშშ-ის საელჩოს რამდენიმე საათიც არ დასჭირდა, რომ ძალიან მკაფიო და ზუსტი განცხადება გაეკეთებინა მიღებულ რეპრესიულ კანონპროექტთან დაკავშირებით.
„კანონპროექტის მიზანი არ არის საზოგადოებრივი წესრიგის დაცვა. ხელისუფლებამ ძალიან დიდი თვითდაზიანება მიიყენა და ამის მტკიცებულება არის პირველი,მაგრამ არ იქნება ერთადერთი შერთებული შტატების მხრიდან ასეთი შეფასება," - აცხადებს ნაცვლიშვილი.
