ნატოს გენერალური მდივნის მოადგილე, მირჩა ჯეოანა აცხადებს, რომ უკრაინას, მისი ხალხის და ჯარის სიმამაცის წყალობით და NATO-ს დახმარებით რუსეთის დამარცხება შეუძლია.
ბერლინში, ალიანსის არაფორმალური მინისტერიალის დაწყების წინ მან ჟურნალისტებთან თქვა:
"რუსეთის სასტიკი შეჭრა უკრაინაში კარგავს მომენტუმს და მოკავშირეებისა და პარტნიორების მილიარდობით დოლარის მნიშვნელოვანი სამხედრო, ფინანსური და ჰუმანიტარული მხარდაჭერით, ჩვენ ვიცით, რომ უკრაინელი ხალხის და არმიის გამბედაობის წყალობით და ჩვენი დახმარებით, უკრაინას ამ ომის მოგება შეუძლია".
