დაბალბიუჯეტიანი ავიაკომპანია Wizz Air-ი ქუთაისის საერთაშორისო აეროპორტში ფრენებს კიდევ 4 მიმართულებით აღადგენს.
აეროპორტების გაერთიანების ხელმძღვანელის თამარ არჩუაძის ცნობით, ავიაკომპანია ფრენებს აღადგენს რიგის, დორტმუნდის, კატოვიცესა და გდანსკსის მიმართულების.
„მინდა გაგახაროთ და გითხრათ, რომ ავიაკომპანია Wizz Air, რომელიც ოპერირებს ქუთაისის საერთაშორისო აეროპორტში, მაისში ამატებს რეისებს რიგისა და დორტმუნდის მიმართულებით. ასევე დაემატება კატოვიცესა და გდანსკის მიმართულებები",- განაცხადა საქართველოს აეროპორტების გაერთიანების ხელმძღვანელმა თამარ არჩუაძემ.
არჩუაძის ინფორმაციით, რეისებისა და მიმართულებების დამატებაზე აქტიური მოლაპარაკებები მიმდინარეობს ყაზახურმა დაბალბიუჯეტიანმა ავიაკომპანია FlyArystan-თან.
შეგახსენებთ: ვიზეარმა საქართველოში ფრენები 18 აპრილს განაახლა.
ამ დროისთვის ავიაკომპანია ვარშავისა და ვილნიუსის მიმართულებით დაფრინავს.
