„მელია თუ იქნება, კიდევ უფრო გაუმარტივდება „ქართული ოცნების" კანდიდატს თვითმმართველობის არჩევნებში გარანტირებული მოგება," - განაცხადა დღეს, 11 მაისს, „ქართული ოცნების" დეპუტატმა, ანრი ოხანაშვილმა თვითმმართველობის არჩევნებში ოპოზიციის საერთო კანდიდატად ნიკა მელიას შესაძლო კანდიდატურის დასახელებაზე კომენტირებისას.
ოხანაშვილის თქმით, თუ მელია იქნება თბილისის მერობის კანდიდატი მაშინ, „ქართულ ოცნებას" გამარჯვება არ გაუჭირდება.
"შემდეგი ნაბიჯი, თუ რას გადადგამენ „ნაციონალური მოძრაობის" წევრები, ეს დამოკიდებულია ერთი ადამიანის გადაწყვეტილებაზე. ეს არის, იცით ყველამ, მათი ბელადი, მიხეილ სააკაშვილი. რასაც იტყვის, იმას გააკეთებენ. მელია თუ იქნება, კიდევ უფრო გაუმარტივდება „ქართული ოცნების" კანდიდატს თვითმმართველობის არჩევნებში გარანტირებული მოგება, თუმცა „ქართული ოცნების" კანდიდატი იქნება უპირობო გამარჯვებული და უპირობოდ გაიმარჯვებს პირველივე ტურში", - განაცხადა ოხანაშვილმა.
