ჯგუფურ ძალადობაში ინდენტიფიცირებული პირები დაუყოვნებლივ უნდა გადაეცნენ მართლმსაჯულებას, - ამის შესახენ გარდაბანში მომხდარ ფაქტთან დაკავშირებით „ნაციონალური მოძრაობის" პოლიტსაბჭოს წევრი ხატია დეკანოიძე აცხადებს.
მისივე თქმით, ხელისუფლებამ დააგვიანა რეაგირება.
„გუშინდელი, პირდაპირ ეთერში გასული საჯარო კადრების შემდეგ შინაგან საქმეთა სამინისტოს და ხელისუფლებას არ გამოუხატავს არანაირი პოზიცია. ეს არის რეალურად, ძალზე მძიმე, შემაშფოთებელი ფაქტი, რომელზიც არის ძალადობა, ჯგუფური ძალადობის დაგეგმვა, ადამიანებზე ანგარიშწორება, მძიმე, განზრაზ დაზიანებების მიყენება, რაც გულისხმობს იმას, რომ იდენტიფიცირებული პირები დაუყოვნებლივ უნდა გადაეცნენ სისხლის სამართლებრივ მართლმსაჯულებას"-განაცხადა ხატია დეკანოიძემ.
შეგახსენებთ, გარდაბანში მძიმე ფიზიკური დაპირისპირება ერთნიკურად აზერბაიჯანელებსა და სვანეთიდან ჩასახელებულ ეკომიგრანტებს შორის ამ დროისათვისაც მიმდინარეობს. ადგილზე მოზილიზებულია სპეცდანიშნულების რაზმები.
დაპირისპირება გუშინ დაიწყო, რომლის ამსახველი კადრები მედიით გავრცელდა. დანაშაულში ეჭვმიტანილები პოილიციას ჯერჯერობით იდენტიფიცირებული არ ყავს.
