„ქეიფს რატომ უნდა შესწირო, შენი ახლობლის სიცოცხლე?!" , - კითხულობს დაავადებათა კონტროლის ეროვნული ცენტრის დირექტორის მოადგილე პაატა იმნაძე.
მისივე თქმით, ვაქცინაციისთვის ზაფხულიდან რეგისტრაცია აღარ იქნება საჭირო, რადგან დიდი სავქაცინო ცენტრტების გახსნა იგეგმება.
„ნუთუ, ისე გაიარა ამ კორონამ, რომ ან ახლობელი არ ჰყავთ, ან მეგობარი, რომ კორონას გამო არ დაკარგა. აი, ეს კითხვა მაქვს, რა ვთქვა, აღარ ვიცით, ქეიფს რატომ უნდა შესწირო შენი ახლობლის სიცოცხლე?!
პიკი გადავიარეთ, ბევრი ღლიცინებს ამ პიკზე, მაგრამ ვისაც გაუვლია ეპიდემიოლოგიის პატარა კურსი, იცის, რომ ჩვეულებრივი ეპიდემიოლოგიური ტერმინია... მასობრივ ვაქცინაციაზე წინასწარი რეგისტრაცია აღარ იქნება. მაგალითად, ზაფხულში დიდი სავაქცინო ცენტრები გაიხსნება. ახლა გამოჩნდებ, ვინ არის ანტივაქსერი. ტრადიციულად, ტექნოლოგიური ტიპით დამზადებული ვაქცინაა. მთელი თურქეთი „სინოვაკითაა" აცრილი. ასევე, ბუნებაში არ არსებობს ანალიზი, როდესაც ექიმი გეტყვის, ახლა შენი აცრა შეიძლება და ახლა არ შეიძლება. ეს ცუდი სარეკლამო „ტრიუკია" , - განაცხადა იმნაძემ „პალიტრანიუსის" ეთერში.
