რუსეთის თავდაცვის მინისტრმა, სერგეი შოიგუმ პრეზიდენტ ვლადიმერ პუტინს შეატყობინა, რომ ე.წ. ლუგანსკის სახალხო რესპუბლიკა სრულად გათავისუფლებულია, – ინფორმაციას რუსული მედია ავრცელებს.
„დღეს, რუსეთის ფედერაციის თავდაცვის მინისტრმა, არმიის გენერალმა სერგეი შოიგუმ რუსეთის ფედერაციის შეიარაღებული ძალების უმაღლეს მთავარსარდალს, ვლადიმერ პუტინს მოახსენა ლუგანსკის სახალხო რესპუბლიკის განთავისუფლების შესახებ“, – ნათქვამია თავდაცვის სამინისტროს პრესრელიზში.
გავრცელებულ ინფორმაციასთან დაკავშირებით უკრაინულ მხარეს ჯერ კომენტარი არ გაუკეთებია.
მანამდე, რუსეთის თავდაცვის სამინისტროში გავრცელდა ინფორმაცია, რომ რუსეთი შეიარაღებულმა ძალებმა ალყაში მოაქციეს ქალაქ ლისიჩანსკში განთავსებული უკრაინელი სამხედროები.
