ოპოზიციური პარტიები, სამოქალაქო სექტორი და საერთაშორისო ექსპერტები, რომელთან ერთადაც დღეს სამი სამუშაო ჯგუფის შეხვედრა გვექნება, სრულ თანხვედრაში ვართ- ამის შესახებ „სტრატეგია აღმაშენებლის“ ლიდერმა გიორგი ვაშაძემ განაცხადა.
მისივე თქმით, იწყებენ სამუშაო პროცესს, რომელიც ქვეყნის ევროინტეგრაციისთვის არის საჭირო.
„დღეს ძალიან მნიშვნელოვან პროცესს ვიწყებთ, რომელიც ზეინკლუზიურია. სრულ თანხვედრაში ვართ ოპოზიციური პარტიები, სამოქალაქო სექტორი და საერთაშორისო ექსპერტები, რომელთან ერთადაც დღეს სამი სამუშაო ჯგუფის შეხვედრა გვექნება. რაც შეეხება სად გადაიკვეთება კანონპროექტები, რომელსაც ჩვენ დავწერთ და რომელსაც „ქართული ოცნება“ დაწერს, ეს ყველაფერი გადაიკვეთება კომიტეტებზე და სესიებზე. ძალიან მწყობრი და სწორი სტრატეგია გვაქვს. მესმის, შესაძლოა, ზოგიერთისთვის რთულად აღსაქმელია, რას ვაკეთებთ, მაგრამ მარტივი საკითხია, ძალიან ბევრი კანონია დეტალურად დასამუშავებელი და დასაწერი. დეტალური დამუშავება უნდა მოხდეს სექტემბრამდე, რომ ზუსტად ვიცოდეთ 12-ვე პუნქტთან მიმართებით რა არის გასაკეთებელი. მერწმუნეთ, დღეს საქართველოში ვერც ერთ ადამიანს ვერ იპოვით, რომელიც 12 პუნქტზე გეტყვით პირდაპირ, თორმეტივეში გასაკეთებელი რა არის. შესაბამისად, სამუშაო პროცესი რას ნიშნავს? მუშაობას. ჩვენ ვიწყებთ ამ მუშაობას, რომელიც ქვეყნის ევროინტეგრაციისთვის საჭიროა“, – განაცხადა გიორგი ვაშაძემ.
კითხვაზე, „ქართული ოცნების“ სამუშაო ჯგუფებში მუშაობა რატომ არ შეიძლებოდა, ვაშაძემ აღნიშნა:
„როგორც უნდა შევიდეთ პროცესში, სადაც წინაპირობებს გვიყენებენ და 4 ფუნდამენტურ საკითხში აპრიორი არ იქნება ევროკავშირის მოთხოვნა. კომისიები, რომელსაც წინაპირობები აქვს, რომ დეოლიგარქიზაცია არ ეხება ივანიშვილს, დეპოლარიზაცია ოპოზიციის გაჩუმებაა, საკონსტიტუციო ცვლილებებზე თურმე 12 პუნქტი არ ვრცელდება, კლანი სასამართლოში არ არის და რომელ კანონსაც მართლმსაჯულებაზე დავწერთ, კლანს არ შეეხებაო. 12-ვე საკითხს კომპლექსური გადაწყვეტა უნდა ჰქონდეს. ვიღაცამ საქმე ხომ უნდა გააკეთოს. ჩვენ ის მექანიზმები უნდა შევქმნათ, რომელიც „ქართულ ოცნებას“ აიძულებს, შეასრულოს თორმეტივე პუნქტი, რომ კანდიდატის სტატუსი მივიღოთ“, – აღნიშნა ვაშაძემ.
ცნიბისთვის, „სტრატეგია აღმაშენებელი“ სხვა ოპოზიციურ პარტიებთან ერთად დღეიდან სამუშაო ჯგუფების შეხვედრებს იწყებს.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
