პრეზიდენტმა სალომე ზურაბიშვილმა ჰერალდიკის სახელმწიფო საბჭოს თავმჯდომარე მამუკა გონგაძე ღირსების ორდენით დააჯილდოვა. პრეზიდენტმა ჯილდო საქართველოს სახელმწიფო გერბის ავტორს, მამუკა გონგაძეს საქართველოს სახელმწიფო ჰერალდიკის განვითარებაში შეტანილი უდიდესი პირადი წვლილისა და უმაღლესი პროფესიონალიზმისთვის, ქვეყნისა და საქმის ერთგული, ხანგრძლივი სამსახურისათვის პირადად გადასცა.
„სახელმწიფო სიმბოლოების შექმნის პროცესში თქვენ ძალიან დიდი დამსახურება გაქვთ. ჩვენი მრავალსაუკუნოვანი ისტორიის მქონე ქვეყნის ჰერალდიკა საჭირო იყო დაფუძნებულიყო სწორედ მის წარსულზე და ამ საქმეში თქვენ ძალიან ბევრი გააკეთეთ“, – განაცხადა საქართველოს პრეზიდენტმა.
მამუკა გონგაძემ პრეზიდენტს სახელმწიფო ჯილდოსთვის მადლობა გადაუხადა.
„ჰერალდიკა ეს არის ენა, რომლითაც სახელმწიფო გარე სამყაროსა და თავის მოქალაქეებს ესაუბრება და გადმოსცემს იმ ღირებულებებს, რაზედაც დგას.
ეს ჯილდო იმ საქმიანობის ერთგვარი აღიარებაა, რომელსაც მე მარტო არ ვეწეოდი. ჩემთან ერთად იყვნენ ენთუზიასტები, ამ საქმის პროფესიონალები. ეს ჩემთვის პირადად დიდი პატივია“, – განაცხადა მამუკა გონგაძემ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
