რუსეთის საოკუპაციო ძალებმა 11 ოქტომბერს უკრაინის მიმართულებით 10 რაკეტა ისროლეს. უკრაინული მედიის ცნობით, ამის შესახებ ნიკოლაევის რეგიონალური სამხედრო ადმინისტრაციის თავმჯდომარემ, ვიტალი კიმმა განაცხადა.
უკრაინული მედიის ინფორმაციით, უკრაინის საჰაერო თავდაცვის ძალებმა კიევის რეგიონში ორი რაკეტა გაანეიტრალეს.
უკრაინის რეგიონებში საჰაერო განგაშის რეჟიმი ისევ გრძელდება და ხელისუფლება მოქალაქეებს თავშესაფრებში დარჩენისკენ მოუწოდებს.
ვრცელდება ინფორმაცია, რომ საჰაერო თავდაცვის სისტემამ ხმელნიცკის რეგიონში კამიკაძე უპილოტო თვითმფრინავი „შაჰედ 136“ ჩამოაგდო. რეგიონში აფეთქებების ხმა ისმის.
