თავდასხმა ჰომოფობიურ ნიადაგზე - სოციალური ქსელის მომხმარებელი ვიდეოს აქვეყნებს და საზოგადოებრივ ტრანსპორტში მომხდარ ინციდენტზე წერს. ის ჰყვება რომ ერთ-ერთი მგზავრი მას ჩაცმულობის გამო თავს დაესხა და მოკვლითაც ემუქრებოდა.
შემთხვევას წინ უძღოდა სიტყვიერი შეურაცხყოფა, რაც საბოლოოდ ფიზიკურ ანგარიშსწორებაში გადაიზარდა. დაზარალებულმა დახმარებისთვის პოლიციას მიმართა. გამოძიება ძალადობის მუხლით დაიწყო, თუმცა თავდამსხმელი ჯერჯერობით დაკავებული არ არის."მეუბნება, რომ ღილი უნდა შევიკრა, ასე არ უნდა მეცვას. დაიწყო მორალის წაკითხვა, რომ საქართველოა. იძახდა, რომ საქართველოში ქათმების და პ**არასტების ადგილი არაა, ძალიან ბევრი ადამიანი ჰომოფობიურ განცხადებებს აკეთებდა. შემოვარდა იქ, სადაც მე ვიდექი, ბოთლი ეკავა ხელში, რომელიც თავში ჩამარტყა, თავს დამესხა. მეც თავი დავიცავი, ჩემთან არ მოვუშვი, მაგრამ აგრძელებდა შეურაცხყოფას, გინებას, ასეთი რაღაც თქვა, როცა ვიდეოს ვიღებდი, რომ ამ ტელეფონს გამიკეთებდა ერთ ადგილას", - უყვება "მთავარ არხს" ლუკა აბლოთია.
დაზარალებულმა დახმარებისთვის პოლიციას მიმართა. გამოძიება ძალადობის მუხლით დაიწყო, თუმცა თავდამსხმელი ჯერჯერობით დაკავებული არ არის.
