IRI- ს კვლევა აჩვენებს, რომ ოპოზიციურ ფლანგზე ერთობაა საჭირო, - ამის შესახებ „გირჩი-მეტი თავისუფლების“ ლიდერმა ზურაბ ჯაფარიძემ განაცხადა. ოპოზიციონერი პოლიტიკოსის თქმით, რიგგარეშე არჩევნებამდე მისვლა მხოლოდ ოპოზიციის კონსოლიდაციით არის შესაძლებელი.
"პოლიტიკური რეიტინგები თუ რამეს აჩვენებს, აჩვენებს იმას, რომ საჭიროა პოლიტიკურ ველზე, ოპოზოციურ ფლანგზე კონსოლიდაცია ოპოზიციური პარტიების და საბოლოო ჯამში, არჩევანს გააკეთებს პოლიტიკური სპექტრი იმაზე, რომ წავიდეთ რიგგარეშე არჩევნებზე, რაც, ჩემი აზრით, იქნებოდა სწორი თუ 2024 წლის არჩევნებზე, ნებისმიერ შემთხვევაში, ამას სჭირდება ერთობა. რომ მოსახლეობა სწორად აფასებს სიტუაციას ამას, მაგრამ ამ წუთის მდგომარეობით ოპოზიციური პოლიტიკურ სპექტრი ვერ ახერხებს მოსახლეობის ამ განწყობის პოლიტიკურ დაკვეთაში თარგმნას და შესაბამისად მოქმედებს, - ამბობს ზურაბ ჯაფარიძე.
IRI-ის კვლევამ აჩვენა, რომ მოსახლოების ნახევარზე მეტს ვადამდელი არჩევნები სურს. გამოკითხვის თანახმად, ხვალ რომ არჩევნები იყოს პროდასავლური ოპოზიცია უფრო მეტ ხმას აიღებდა, ვიდრე ხელისუფლება.
