მიხეილ დაუშვილი:თუ „ოცნება“ კომპრომისზე არ წავა, სახალხო დამცველის არჩევის პროცესის ჩავარდნის რისკი დიდია

თუ „ოცნება“ სახელმწიფო ინტერესების სასარგებლოდ კომპრომისზე არ წავა, სახალხო დამცველის არჩევის პროცესის ჩავარდნის რისკი დიდია , - ამის შესახებ პარტია „საქართველოსთვის“ წევრმა, დეპუტატმა მიხეილ დაუშვილმა განაცხადა.

მისი თქმით, ახლა კანდიდატების თაობაზე კონსულტაციების გამართვა მნიშვნელოვანია.

„სახალხო დამცველობის კანდიდატებთან დაკავშირებული პროცედურის შეფასების დოკუმენტი, რომელიც დღეს კომიტეტზე უნდა გამოიტანონ, არც კი გაუზიარებიათ კომიტეტის წევრებისთვის. აქ მთავარია პროცესის შემდეგი ეტაპი, კონსულტაციების გამართვა. თუ კომპრომისზე არ წავა „ოცნება“ სახელმწიფო ინტერესების სასარგებლოდ, ცხადია, რისკი პროცესის ჩავარდნის დიდია. მოლოდინი იმის, რომ „ოცნება“ დამოუკიდებელ კანდიდატზე შეჯერდება და კომპრომისს მივაღწევთ, არ მაქვს, თუმცა ვისურვებდი და რესურსი ჯერ კიდევ არსებობს, რომ შევთანხმდეთ ისეთ კანდიდატზე, რომელიც არ იქნება მიკერძოებული და იქნება პროფესიონალი,“ - განაცხადა დაუშვილმა.