ბექა მჭედლიშვილი: ირაკლი ღარიბაშვილის უფროსმა შვილმა ჩააბარა პენსილვანიის უნივერსიტეტში, მთელი დღეა წევენ თემას და თან ვერ წევენ ბინძური პოლიტიკოსები

ამის შესახებ სოციალურ ქსელში მთავრობის ადმინისტრაციის სტრატეგიული კომუნიკაციების დეპარტამენტის ხელმძღვანელი წერს:

ირაკლი ღარიბაშვილის უფროსმა შვილმა ჩააბარა პენსილვანიის უნივერსიტეტში. მთელი დღეა წევენ თემას და თან ვერ წევენ ბინძური პოლიტიკოსები და მათი სპიკერები, როგორ თუ ეს მოხდა. დარწმუნებული ვარ არ მოეშვებიან და გააგრძელებენ. საქართველოს პრემიერ-მინისტრის კი არა, ჩინეთის იმპერატორის შვილი რომ იყო ამ უნივერსიტეტში ვერ ჩააბარებ თუ არ გაქვს საკმარისი განათლება და სიყოჩაღე. სააკაშვილი თავის შვილებს ბიუჯეტის ხარჯზე რომ ასწავლიდა, ზემოთ ხსენებულ ხალხს ამასთან დაკავშირებით პრობლემა არ ქონია რომ იცოდეთ და ახლა გამოდიან ზოგი ვითომ ჟურნალისტი და ზოგი ვითომ ძაან შეწუხებული პოლიტიკოსი და ამ თემასთან დაკავშირებით მოძღვრავენ ხალხს, თითქოს რაიმე საშინელება მოხდა. შეგახსენებთ მაინც რომ ირაკლი ღარიბაშვილი თავის შვილების სწავლას ბიუჯეტის ფულით არ აფინანსებს. წარმატებული მამის წარმატებულმა შვილმა ჩააბარა
ძალიან კარგ უნივერსიტეტში. წარმატებებს ვუსურვებ ნიკოს, დარწმუნებული ვარ, იმ
ცოდნას, რასაც შეიძენს, საკუთარ ქვეყანას მოახმარს.

P.S სხვათაშორის, განათლების საერთაშორისო ცენტრი ირაკლი ღარიბაშვილმა
შექმნა, რომელმაც პოლიტიკური გემოვნების მიუხედავად, 1000-ზე მეტ ახალგაზრდას დაუფინანსა სწავლა უცხოეთის წამყვან უნივერსიტეტებში

ipress.ge