"ამ 30 წლის განმავლობაში,რაც საქართველო დამოუკიდებელი ქვეყანაა, ასეთი რამე არ ყოფილა საერთოდ.", - ამის შესახებ ხელოვნებათმცოდნე დავით ბუხრიკიძე წერს.
"ჯერ ხო აქეთ-იქეთ აფრინეს და როგორც იქნა დასვეს თვითმფრინავი,მერე აეროპორტში ანალენა ბერბოკს საგარეო საქმეთა მინისტრის მოადგილე დაახვედრეს (ქვეყანაში ბადრი პატარკაციშვილის დის შვილად რო იცნობენ), კიდევ, აეროპორტის გზაზე არ იყო გერმანიის სახელმწიფო დროშები გამოკიდული. ამ 30 წლის განმავლობაში,რაც საქართველო დამოუკიდებელი ქვეყანაა, ასეთი რამე არ ყოფილა საერთოდ.", - წერს ბუხრიკიძე
ცნობისთვის,
გუშინ, 23 მარტს, თბილისის დროით დაახლოებით 23:00 საათზე, გერმანიის საგარეო საქმეთა მინისტრის თვითმფრინავი Airbus A340-300 თბილისის საერთაშორისო აეროპორტში მეორე მცდელობაზე დაეშვა.
საქაერონავიგაცია კატეგორიულად უარყოფს გერმანული გამოცემა www.Spiegel.de-ის მიერ გავრცელებულ ინფორმაციას, თითქოს გერმანელი დიპლომატის ბორტს პრობლემა დასაფრენ ბილიკზე მდგომი სხვა თვითმფრინავის გამო შეექმნა. დასაფრენი ბილიკი იყო სრულად თავისუფალი.
პირველადი ინფორმაციით, აღნიშნული იყო სრულად პილოტის გადაწყვეტილება. აქვე აღვნიშნავთ, რომ ეკიპაჟის გადაწყვეტილებით მეორე წრეზე წასვლა დაფრენისას არის აპრობირებული - ნორმალური პრაქტიკა სამოქალაქო ავიაციაში და ინციდენტად არ ითვლება.
