„როცა ჯერ კიდევ ნიკა მელიას მიმართ სისხლის სამართლის დევნა მიმდინარეობს, შესაძლოა, სადეპუტატო უფლებამოსილების შეწყვეტა მის წინააღმდეგ იყოს გამოყენებული", - განაცხადა დღეს, 17 სექტემბერს, „ლელოს" ერთ-ერთმა ლიდერმა, ბადრი ჯაფარიძემ.
ცნობისთვის: ნიკა მელიასთვის იმუნიტეტის მოხსნის საკითხს პარლამენტის საპროცედურო კომიტეტი განიხილავს.
ჯაფარიძის თქმით, საინტერესოა, რა გადაწყვეტილებას მიიღებს საპროცედურო საკითხთა კომიტეტი.
„ახლა, როცა ჯერ კიდევ ნიკა მელიას მიმართ სისხლის სამართლის დევნა მიმდინარეობს, შესაძლოა, სადეპუტატო უფლებამოსილების შეწყვეტა მის წინააღმდეგ იყოს გამოყენებული. ვნახოთ, როგორ იმსჯელებს საპროცედურო საკითხთა კომიტეტი და რა გადაწყვეტილებას მიიღებს", - განაცხადა ჯაფარიძემ.
შეგახსენებთ:
ნიკა მელიამ საპარლამენტო მანდატის დატოვების თხოვნით პარლამენტს 29 ივლისს მიმართა.
