„გამოკითხულთა 11%-ს, ბოლო ერთი წლის განმავლობაში, საარჩევნო უბნის მიმდებარე ტერიტორიაზე „ძველი ბიჭები" შეუმჩნევია. ასევე, გამოკითხულთა 27%-ს საარჩევნო ბიულეტენის უბნის გარეთ გატანის შესახებ სმენია," - აღნიშნულია „სამართლიანი არჩევნებისა და დემოკრატიის საერთაშორისო საზოგადოებისა" და „CRRC"-ის დღეს, 25 სექტემბერს, გამოქვეყნებულ კვლევაში, რომელიც არჩევნებში მონაწილეობის მიმართ დამოკიდებულებასა და საარჩევნო პროცესების მიმდინარეობას ეხება.
კვლევით ირკვევა, რომ მოსახლეობის დიდი ნაწილისთვის მიუღებელია უშუალოდ არჩევნების წინ დაწყებული ინფრასტრუქტურული პროექტები და ასევე, ვალების/ჯარიმების გაუქმებასთან დაკავშირებყლი ინიციატივები.
გამოკითხულთა 67%-ის თქმით კი, ამომრჩევლის გადაწყვეტილებაზე გავლენას ინფრასტრუქტურული პროექტები ახდენს.
