4 ოქტომბრის მოვლენებთან დაკავშირებით შსს-მ კიდევ 16 პირი დააკავა - სულ 62 პირია დაკავებული
გენერალური პროკურორი - ირაკლი ღარიბაშვილის, გრიგოლ ლილუაშვილის, ოთარ ფარცხალაძისა და მათთან დაკავშირებული 8 პირის საცხოვრებელი ბინების, სახლების და პირადი ჩხრეკები ჩატარდა
„ევროპის სახალხო პარტია“ - მოვუწოდებთ ევროპის საბჭოს და ევროკავშირის სახელმწიფოებს, დაუწესონ პერსონალური სანქციები საქართველოში, არჩევნების გაყალბებაში, ადამიანის უფლებების დარღვევასა და ოპონენტებისა და აქტივისტების დევნაში პასუხისმგებელ პირებს
თინა ბოკუჩავა EPP-ის პოლიტიკურ ასამბლეაზე - ევროკავშირის წევრმა ქვეყნებმა უვიზო მიმოსვლა საქართველოს მოქალაქეებს არ უნდა ჩამოართვან
გოჩა მირცხულავა: რეალურად მივდივართ ქართული სახელმწიფოს აკრძალვისკენ
ირაკლი კობახიძე - რამდენიც იქნება დასაკავებელი, იმდენი იქნება დაკავებული
4 ოქტომბერს განვითარებულ მოვლენებთან დაკავშირებით, კიდევ რამდენიმე აქტივისტი დააკავეს
საბა ბრაჭველი - დაგეგმილია საუნივერსიტეტო პერსონალის დიდი შემცირება და წმენდა

აეროპორტების გაერთიანება - მაისში ქუთაისის საერთაშორისო აეროპორტი რეკორდული რაოდენობის მგზავრსა და რეისების რაოდენობას მოემსახურა

08.06.2023 ნახვები: 857

პანდემიამდე პერიოდთან შედარებით, ქუთაისის საერთაშორისო აეროპორტში მგზავრთნაკადის რეკორდული მაჩვენებელი დაფიქსირდა. საქართველოს აეროპორტების გაერთიანების ინფორმაციით, მაისში დავით აღმაშენებლის სახელობის აეროპორტით 126,864 მგზავრმა ისარგებლა (2019 წლის მაისი – 64,745 მგზავრი).

აეროპორტების გაერთიანების​ ცნობით, მგზავრთნაკადის გარდა, ისტორიულ მაქსიმუმს მიუახლოვდა ქუთაისის საერთაშორისო აეროპორტიდან განხორციელებული ავიარეისების რაოდენობაც.

პანდემიამდე, 2019 წლის მაისში 210 რეისი შესრულდა. 2023 წლის ანალოგიურ პერიოდში კი რეისების რაოდენობა 80% გაიზარდა. ქუთაისის დავით აღმაშენებლის სახელობის აეროპორტი 378 რეისს მოემსახურა.

პანდემიამდელ პერიოდთან შედარებით, ქუთაისის საერთაშორისო აეროპორტში, მგზავრთნაკადის რაოდენობის კუთხით, სტაბილური ზრდა არის ხუთი თვის ჭრილშიც. წელს, იანვარი-მაისის პერიოდში ქუთაისის საერთაშორისო აეროპორტი 502,323 მგზავრს მოემსახურა, რაც 2019 წლის პერიოდს 74%-ით აღემატება. ისტორიულ მაქსიმუმს მიუახლოვდა ხუთ თვეში განხორციელებული რეისების რაოდენობაც.   ქუთაისის საერთაშორისო აეროპორტი 1 591 რეისს მოემსახურა, რაც, პანდემიამდე პერიოდთან შედარებით, 66%-ით მეტია.

2023 წლის პირველი ივნისიდან ავიაკომპანია WIZZ AIR-მა ქუთაისის საერთაშორისო აეროპორტში მესამე ბაზირებული ხომალდი დააბრუნა და რეგულარული რეისებს მადრიდის, ბრიუსელის, ფრანკფურტის, ჰამბურგისა და პოზნანის მიმართულებით ასრულებს. 4 ივნისიდან კი ყაზახურმა დაბალბიუჯეტურმა ავიაკომპანია FlyArystan-მა ალმათი-ქუთაისი-ალმათის მიმართულება დაამატა.

2023 წლის პირველ დეკემბერს ქუთაისის საერთაშორისო აეროპორტს Wizz AIr-ის მეოთხე ბაზირებული ხომალდი და კოპენჰაგენის მიმართულება დაემატება.

საქართველოს აეროპორტების გაერთიანების ინფორმაციით, ამ ეტაპისთვის ქუთაისის საერთაშორისო აეროპორტიდან ხუთი ავიაკომპანია ოპერირებს. რეისები 17 ქვეყნის 34 მიმართულებით სრულდება“, – აღნიშნულია აეროპორტების გაერთიანების მიერ გავრცელებულ ინფორმაციაში.

ყველას ნახვა
ყველას ნახვა