პოლიტიკური გადაწყვეტილება გვჭირდება სწორედ ნატო-ს მხრიდან, ბურთი ნატო-ს მხარეს არის და ველოდებით ამ გადაწყვეტილების რაც შეიძლება დროულად მიღებას, – ამის შესახებ ნატო-ში საქართველოს ელჩმა, ვიქტორ დოლიძემ ვილნიუსში განაცხადა.
დოლიძემ საქართველოს საგარეო საქმეთა მინისტრის, ილია დარჩიაშვილის ჩრდილოატლანტიკური საბჭოს სხდომაში მონაწილეობის მნიშვნელობაზეც ისაუბრა.
„ბუნებრივია, ჩვენ როგორც ყოველთვის, აქტიურად ვმონაწილეობთ ამგვარ ღონისძიებებში. საგარეო საქმეთა მინისტრს, როგორც ბოსნია-ჰერცეგოვინის, მოლდოვის, მათ შორის აწ უკვე მოპატიჟებული შვედეთის საგარეო საქმეთა მინისტრებსაც ექნებათ შესაძლებლობა, რომ წარდგნენ თავიანთი კოლეგების წინაშე. ჩვენი ძირითადი აქცენტები, როგორც ყოველთვის, გამახვილებულია ჩვენი ქვეყნის სუვერენიტეტზე, ტერიტორიულ მთლიანობაზე, რუსეთთან დაკავშირებულ იმ პრობლემებზე, რომლებიც ჩვენი ქვეყნის მილიტარიზაციას, ჩვენი ქვეყნის ოკუპაციას და დეოკუპაციის მნიშვნელობას შეეხება და, რაც ყველაზე მთავარია, ჩვენი ქვეყნის სრულფასოვან წევრობას.
ყოველთვის, ჩვენს ნატო-ელ კოლეგებს ვახსენებთ იმის თაობაზე, რომ ჩვენს საბოლოო მიზანს წარმოადგენს ნატო-ს სრულფასოვანი წევრობა. დღეს მოცემულობა ასეთია, რომ პოლიტიკურ გადაწყვეტილებას ვსაჭიროებთ სწორედ ნატო-ს მხრიდან, ბურთი ნატო-ს მხარეს არის და ჩვენ ველოდებით ამ გადაწყვეტილების რაც შეიძლება დროულად მიღებას. იმედი მაქვს, ეს დღე აუცილებლად დადგება“, – განაცხადა ვიქტორ დოლიძემ.
გოჩა მირცხულავა პოლიტიკური კრიზისის დასაძლევად „საქართველოს ეროვნული შეთანხმების აქტის“ პროექტს აქვე
გოჩა მირცხულავა: მოკალი ქრისტე - როდესაც ვიცით, რას ვიქმთ ანუ ქართული პოლიტიკისა და საზოგადოების სულ
გოჩა მირცხულავა - ავტორიტარიზმის პირველი მსხვერპლი თავისუფლება კი არ არის - პირველი მსხვერპლი ემპათი
გოჩა მირცხულავა: საქართველოს საპატრიარქო, თუ თავს შეიკავებს განცხადების გაკეთებისგან, ეს იქნება დიდი
გოჩა მირცხულავა: ეპისკოპოსებს თუ არ სურთ, რომ ხელისუფლების ინსტრუმენტები გახდნენ, მაშინ დამოუკიდებელ
გოჩა მირცხულავა: ოპოზიციიდან ზოგმა ივანიშვილთან პირდაპირ ითანამშრომლა, ზოგმა კი თავისი სასარგებლო იდ
