მოსახლეობის უმეტესობა არასოდეს ურჩევდა ახლობელს ლიბერთი ბანკთან და საქართველოს ბანკთან ურთიერთობას

ბანკებთან შემხებლობაში მყოფი საქართველოს მოსახლეობის უმეტესობა, არასოდეს ურჩევდა ოჯახის წევრს, მეგობარს და საქმიან პარტნიორს ლიბერთი ბანკთან (41%) და საქართველოს ბანკთან (21%) ურთიერთობას.

ამის შესახებ აღნიშნულია საქართველოში საბანკო სისტემის მიმართ მოსახლეობის განწყობების შესწავლის მიზნით, „ნეიშენ ჯორჯიას“ დაკვეთით APPA-ს მიერ ჩატარებული კვლევაში.

კითხვაზე - „რომელ ბანკთან ურთიერთობას არ ურჩევდით არასოდეს ოჯახის წევრს, მეგობარს, საქმიან პარტნიორს?“ პასუხები შემდეგი სახით განაწილდა:

ლიბერთი ბანკი - 41%

საქართველოს ბანკი - 21%

ბაზის ბანკი - 18%

პროკრედიტ ბანკი - 12%

თიბისი ბანკი - 8%

გამოკითხვა ჩაატარა კომპანიამ APPA, „ნეიშენ ჯორჯიას“ დაკვეთით.

გამოკითხვის მიზანს წარმოადგენდა იმ საბანკო დაწესებულებების გამოვლენა, რომლებიც ცალკეული მიმართულებებით რესპოდენტების/კლიენტების ნეგატური დამოკიდებულებებით სარგებლობენ.

 გამოკითხვაში მონაწილეობდა 1369 რესპოდენტი, რომელთაც სხვადასხვა ეტაპზე შეხება - საქმიანი ურთიერთობა ჰქონდათ/აქვთ უმსხვილეს ქართულ ბანკებთან  -საქართველოს ბანკი, თიბისი ბანკი, ლიბერთი ბანკი, ბაზის ბანკი, პროკრეტიდ ბანკი.

გამოკითხვა ჩატარდა 2023 წლის 15-25 დეკემბერს თბილისში, ქუთაისში, ბათუმში, ზუგდიდში, თელავში, გორში და რუსთავში.

გამოკითხულთა ასაკი - 24-60 წელი, სქესი - 52% მამაკაცი, 48% ქალი.

ძირითადი მიგნება -

• მოსახლეობაში ყველაზე ნეგატიური დამოკიდებულება „ლიბერთი ბანკისა“ და „საქართველოს ბანკის“ მიმართ არსებობს

ბანკებთან ურთიერთობის გამოცდილებიდან გამომდინარე რესპოდენტები ყურადღებას ამახვილებდნენ კონკრეტულ ნაკლოვანებებზე:

• მომხმარებელთა მომსახურეობის გარემო (ვიზუალური და ემოციური აღქმა);  ბიუროკრატიული ბარიერები;
• მომსახურეობის/სერვისის მიღების ოპერატიულობა;
• კლიეტთან ურთიერთობის მოქნილობა;
• კლიენტისადმი კეთილგანწყობა (ემოციური აღქმა);
• სესხების გაცემის პროცედურებისა და პასუხის (დადებითი/უარყოფითი მნიშვნელობის გარეშე) ოპერატიულობა;
• კრედიტებთან დაკავშირებით რისკების განმარტებები;
• კლიენტის კეთილგანწყობა საბანკო დაწესებულების მიმართ და ა.შ.